झुम्का । झुम्का च्यालेन्ज कप २०८३ को उपाधि आयोजक झुम्का एफसी ले जितेको छ। आइतबार सम्पन्न फाइनल खेलमा जुम्का एफसीले मधेस युवा क्लब, इनरुवालाई २–१ गोल अन्तरले पराजित गर्दै उपाधि आफ्नो नाममा लेखाएको हो।

उपाधिका लागि भएको फाइनल खेल निकै प्रतिस्पर्धात्मक बनेको थियो। दुवै टोलीले सुरुवातदेखि नै आक्रामक फुटबल प्रस्तुत गरे पनि निर्णायक क्षणमा आयोजक जुम्का एफसीले प्रभावकारी प्रदर्शन गर्दै २–१ को जित निकाल्न सफल भयो।

यो जितसँगै जुम्का एफसीले ट्रफीसहित नगद रु. ५१ हजार प्राप्त गरेको छ। फाइनलमा पराजित मधेस युवा क्लब, इनरुवा उपविजेता बनेको छ। मधेसले रु. ३१ हजार नगद पुरस्कार प्राप्त गरेको छ।

सेमिफाइनलबाटै देखाएको बलियो प्रदर्शन

झुम्का एफसीले फाइनलसम्मको यात्रा प्रभावशाली प्रदर्शनका साथ तय गरेको थियो। पहिलो सेमिफाइनलमा जुम्का एफसी आयोजक ‘A’ ले धरान–५ स्पोर्टिङ क्लबलाई २–० ले पराजित गरेको थियो।

झुम्काको जितमा निस कुमार श्रेष्ठ र विनोद राईले एक–एक गोल गरेका थिए। उक्त खेलमा उत्कृष्ट प्रदर्शन गरेका निस कुमार श्रेष्ठ म्यान अफ द म्याच घोषित भएका थिए।

यता दोस्रो सेमिफाइनलमा मधेस युवा क्लब, इनरुवा ले जुम्का एफसी ‘B’ लाई ३–१ ले पराजित गर्दै फाइनलमा स्थान बनाएको थियो।

मधेसको जितमा बिनु मगरले दुई गोल तथा निश्चल मोक्तानले एक गोल गरेका थिए। जुम्का एफसी ‘B’ का लागि सन्दीप लिम्बूले एक गोल फर्काएका थिए। उक्त खेलमा बिनु मगर म्यान अफ द म्याच बनेका थिए।

व्यक्तिगत विधामा झुम्का एफसीको दबदबा

प्रतियोगिताको समापनसँगै विभिन्न व्यक्तिगत विधाका उत्कृष्ट खेलाडीलाई समेत सम्मान गरिएको थियो।

म्यान अफ द म्याच (फाइनल): अनिश चौधरी — मधेस युवा क्लब

उत्कृष्ट गोलरक्षक: रोशन कार्की — झुम्का एफसी आयोजक

उत्कृष्ट डिफेन्डर: मणि मगर — झुम्का एफसी आयोजक

उत्कृष्ट मिडफिल्डर: सलोन जिमी — झुम्का एफसी आयोजक

उत्कृष्ट फर्वार्ड: करण चौधरी — मधेस युवा क्लब

राइजिङ प्लेयर: ओम परियार — झुम्का एफसी आयोजक

MVP: निवास फुयाल — झुम्का एफसी आयोजक

व्यक्तिगत विधाका अधिकांश पुरस्कार आयोजक जुम्का एफसीका खेलाडीले जित्दा प्रतियोगितामा टोलीको समग्र प्रदर्शन पनि बलियो रहेको देखिएको छ।

झुम्काको घरेलु मैदानमा उपाधि उत्सव

आयोजक टोलीले आफ्नै मैदानमा उपाधि उचालेपछि जुम्का च्यालेन्ज कप २०८३ को समापन थप विशेष बनेको छ। फाइनलमा २–१ को जित निकाल्दै जुम्का एफसीले प्रतियोगिताको उपाधि मात्र जितेन, विभिन्न व्यक्तिगत विधामा समेत आफ्नो प्रभाव कायम राख्यो।

झुम्का च्यालेन्ज कप २०८३

च्याम्पियन: झुम्का एफसी आयोजक

प्रथम पुरस्कार: रु. ५१,०००

उपविजेता: मधेस युवा क्लब, इनरुवा

दोस्रो पुरस्कार: रु. ३१,०००

फाइनल नतिजा: झुम्का एफसी २–१ मधेस युवा क्लब, इनरुवा