News एन्फा महासचिव किरन राईलाई मातृ शोक
गोलनेपाल

काठमाडौं । अखिल नेपाल फुटबल संघ (एन्फा) का महासचिव किरन राईले मातृ शोक परेको छ । एन्फाका अनुसार राईकी आमा मधुरा राईको सोमबार बेलुका उपचारका क्रममा निधन भएको हो ।

किरन राईकी ७७ वर्षिय आमा मधुरा राई पछिल्लो महिनादेखि अस्वस्थ्य थिईन् । सोमबार उनको स्वास्थ्य थप गम्भिर बनेपछि उनलाई उदयपुरको जिल्ला अस्पताल पुर्याइएको थियो । चिकित्सकले उनलाई अस्पतालमा मृत घोषणा गरेको एन्फाले जनाएको छ ।

यस दुःखद घडीमा शोक सन्तप्त परिवारजनप्रति गोलनेपाल परिवार पनि दुःख र समवेदना व्यक्त गर्दछ ।

 

Post Comments