काठमाडौं । विभागीय टोली त्रिभुवन आर्मी फुटबल क्लबतर्फ महिला फुटबल टोलीका तीन महत्वपूर्ण सदस्य सपना लामा, पुनम जर्घा मगर र दिपा राई शान्ति मिशनका लागि प्रस्थान गरेका छन् ।

आर्मी क्लबका अनुसार यी तीनै जना मिशन अन्तरगत अफ्रिकी देश दक्षिण सुडानतर्फ प्रस्थान गरेका हुन् । उनीहरुले एक वर्ष मिशनमा बिताउने क्लबले जानकारी दियो ।

स्मरण रहोस, पुनम र दिर्पा राष्ट्रिय महिला फुटबल टोलीका पूर्व नियमित सदस्य समेत हुन् । पुनले हालै मात्र प्रतिकुल स्वास्थ्यका कारण घरमै सम्पन्न महिला साफ च्याम्पियनसिपपछि अन्तर्राष्ट्रिय फुटबलबाट सन्यास लिएकी थिईन् । यद्यपि यी तीन खेलाडीहरु मिशनबाट फर्केपछि क्लब फुटबललाई भने निरन्तरता दिने योजनामा छन् ।