बिराटनगर । घरेलु फुटबलमा बर्षेनी व्यस्त हुने मोरङमा स्तरीय फुटबल प्रशिक्षक नभएपछि मोरङ जिल्ला फुटबल संघले प्रशिक्षक उपलब्ध गराईदिन अखिल नेपाल फुटबल संघ (एन्फा) लाई पत्राचार गरेको छ ।

प्रशिक्षक नभए कै कारण फुटबल प्रशिक्षण गराउन र अन्य फुटबल गतिविधी सञ्चालन गर्न र त्यसलाई निरन्तरता दिन पनि कठिनाई देखिएपछि मोरङ जिल्ला फुटबल संघले प्रशिक्षक उपलब्ध गराईदिन एन्फालाई पत्राचार गरेको हो ।

साथै संघले राखेप मोरङ जिल्लामा कार्यरत अनुभवी प्रशिक्षक पारस चौधरीलाई एन्फाले सेवा सुविधा दिने गरी मोरङ जिल्ला फुटबल संघमा निज प्रशिक्षक चौधरीलाई काजमा उपलब्ध गराईदिन अनुरोध समेत गरेको छ ।

स्मरण रहोस, प्रशिक्षक चौधरी नेपाली फुटबलमा अनुभवी प्रशिक्षकका रुपमा गनिन्छन् । उनले राष्ट्रियदेखि अन्तर्राष्ट्रिय फुटबलमा पनि प्रशिक्षकको राम्रो अनुभव सँगालेका छन् ।