बागमती । बागमती नगरपालिका र बागमती युवा क्लब, सर्लाहीको संयुक्त आयोजनामा यहि माघ २५ देखि फागुन ६ गतेसम्म सातौं राजर्षि जनक कप नकआउट फुटबल प्रतियोगिता हुने भएको छ ।

सर्लाही जिल्ला फुटबल संघको प्राविधिक सहयोग रहने प्रतियोगिताको प्रतियोगिताको आवश्यक तयारीलाई तिव्र पारिएको आयोजकले जानकारी दियो ।

बागमती नगरपालिका–११ स्थित सन्तोष श्रेष्ठ स्मृति खेलमैदानमा हुने विजेताले उपाधिसहित नगद १० लाख हात पार्नेछ भने उपविजेताले ५ लाखसहित ट्रफी, मेडल र प्रमाणपत्र प्राप्त गर्नेछ ।

त्यस्तै प्रतियोगिताको सर्वोत्कृष्ट खेलाडीले नगद ५१ हजारसहित ट्रफी प्राप्त गर्नेछ । त्यसैगरी सर्लाही जिल्ला कै एक सर्वोत्कृष्ट खेलाडीलाई हरेक वर्ष झैं यसपटक पनि मोटरसाइकल पुरस्कार प्रदान गरिने पनि आयोजकले जनाएको छ ।

मधेश प्रदेश कै प्रतिष्ठाका रुपमा रहेको प्रतियोगिताको आधिकारिक मिडिया पार्टनरमा गोलनेपाल डटकम रहेको छ । साथै प्रतियोगिताको सबै खेलहरु गोलनेपालले प्रत्यक्ष प्रसारण गर्नेछ ।