हरिवन । ‘लागु औषध विरुद्धको बोल, खेलाडी उत्पादनमा जोड’ भन्ने नाराका साथ सर्लाहीको हरिवनमा भदौ २० गतेदेखि प्रथम दनुवारी कप नकआउट फुटबल प्रतियोगिता हुने भएको छ ।

हरिवन–९, दनुवारी स्थित स्थानीय खेलमैदानमा हुने प्रतियोगिताको टिमदर्ता पनि खुला गरिएको छ । साथै इच्छुक क्लबहरुका लागि टिमदर्ता शुल्क ३५०० तोकिएको पनि आयोजकले जानकारी दियो ।

योङ ब्वाईज, हरिवन, सर्लाहीको आयोजनामा हुन गईरहेको प्रतियोगिताको विजेताले उपाधिसहित नगद ४० हजार हात पार्नेछ भने उपविजेताले २० हजारसहित ट्रफी, मेडल र प्रमाणपत्र प्राप्त गर्नेछ । साथै व्यक्तिगत विधातर्फ पनि उचित पुरस्कारको व्यवस्था गरिएको आयोजकले जनाएको छ ।