काठमाडौं । दोस्रो नेपाल सुपर लिग (एनएसएल) शुक्रबार नवप्रवेशी टोली बिरगंज युनाइटेड एफसी र एफसी चितवन आमने सामने हुँदा दुवै टोलीको उद्देश्य पहिलो जित हात पार्नु हुनेछ ।

पहिलो खेलमा पोखरासँग हार र दोस्रो खेलमा काठमाडौंसँग जित नजिक पुगेर पनि बराबरीमा रोकिएको चितवन शुक्रबार भने निश्चित जित हात पार्दै तीन अंक जोड्ने लक्ष्यमा पनि हुनेछ ।

उता आफ्नो पहिलो खेलमा धनगढीसँग पराजित भएको बिरगंज पनि शुक्रबार दोस्रो खेल खेल्दै गर्दा चितवनसँग अंक खोस्ने वा निश्चित तीन अंक जोड्ने योजनामा हुनेछ ।

खेल साँझ ५ः३० बजेदेखि दशरथ रंगशालामा हुँदैछ । दर्शकहरुले आइएमई–पे मार्फत अनलाईन वा सोझै दशरथ रंगशालामा पुगेर टिकट खरिद गर्न सक्नेछन् । टिकट मुल्य सामान्यतर्फ २०० र विशिष्टतर्फ ५०० रहेको छ ।