फिदिम । पाँचथर फुटबल क्लबको आयोजनामा आजदेखि प्रथम किरात गोल्डकप सुरु हुँदैछ । उद्घाटन खेलमा आयोजक पाँचथर एफसीले तेह्रथुमको मितेरी क्लबसँग प्रतिस्पर्धा गर्नेछ ।

फिदिम माविको खेल मैदानमा हुने प्रतियोगितामा ए डिभिजन क्लब हिमालय शेर्पासहित ८ टिमको सहभागिता रहेको छ । प्रतियोगिताको विजेताले ४ लाख ४ हजार ४४४ रुपैयाँ नगद पुरस्कार पाउने छ ।

मंसिर १७ रेडहर्स फुटबल क्लब इलाम र बिर्तामोड युनाइटेट क्लब झापाबीच प्रतिस्पर्धा हुनेछ । मंसिर १८ डिएफसी मोरङले युनाइटेड फुटबल क्लब दार्जिलिङ भारतसँग खेल्नेछ । १९ गते कणर्सिं सोनाम स्मृति क्लब ताप्लेजुङले ए डिभिजन क्लब हिमालय शेर्पाको सामना गर्नेछ ।

मंसिर २३ गते गोल्डकपको फाइनल प्रतिस्पर्धा हुने पाँचथर फुटबल क्लबका अध्यक्ष अनुराग मगरले बताए । गोल्डकपको उपविजेताले २ लाख २ हजार २२२ रुपैयाँ पाउने छ ।