काठमाडौं (एजेन्सी) । शुक्रबारदेखि शुरु भएको भारतीय महिला फुटबलको शिर्ष लिग इण्डियन वुमन्स लिगमा डिफेन्डिङ च्याम्पियन गोकुलम केरला नेपाली चेली अन्जिला तुम्बापो सुब्बाको कप्तानीमा रहेको पूर्व विजेता सेथु फुटबल क्लबसँग रोकिएको छ ।

केरला कै घरेलु मैदान इएमएस कर्पोरेशन स्टेडियममा भएको उद्घाटन खेलमा सेथुले केरलालाई गोलरहित बराबरीमा रोक्दै अंक खोसेको हो । खेलमा सेथुकी गोलरक्षक तथा कप्तान अन्जिलाको प्रदर्शन प्रशंसनीय रह्यो र अन्जिला प्लेयर अफ द म्याच पनि चुनिईन् ।

लिगमा यसपटक नेपालका ६ खेलाडीहरुलाई सहभागिता जनाईरहेका छन् । सेथु मै अन्जिला बाहेक गीता राना पनि छिन् । गीताले पनि शुक्रबार पहिलो रोजाई मै रहेर खेलिन् । त्यस्तै किकस्टार्टमा प्रिती राई र दिपा शाही छिन् भने ओडिसामा रश्मी घिसिङ र अमृता जैशी ओडिसामा आवद्ध छन् ।