काठमाडौं । एनएटिएचएम हेल्थ एण्ड स्पोर्टस क्लबको आयोजनामा आउँदो माघ १६, १७ र १८ गतेका दिन तीन दिने फुटसल प्रतियोगिता हुने भएको छ । मत्स्य रिक्रियशन सेन्टरमा हुने प्रतियोगिताको आवश्यक तयारी पनि अन्तिम चरणमा रहेको आयोजक क्लबका विविध थापाले जानकारी दिए ।

प्रतियोगिताको विजेताले उपाधिसहित नगद १ लाख हात पार्नेछ भने उपविजेताले ५० हजारसहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजक क्लब कै अर्का सदस्य स्वीकृत थापाले बताए ।

त्यसैगरी व्यक्तिगत विधातर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जनाएको छ ।