काठमाडौं । ‘परदेशमा भाईचारा र स्वास्थ्यका लागि खेलकुद’ भन्ने नाराका साथ स्थापित छङउप नेपाली फुटबल क्लब, दक्षिण कोरियाको आयोजनामा यही अप्रिल १४ तारीखका दिन हुने प्रथम जेएनएफसी कपको खेलतालिका सार्वजनिक गरिएको छ ।

छङउप नेपाली एकता समाज, दक्षिण कोरियाको सह–आयोजनामा हुन गईरहेको प्रतियोगितामा कुल २१ टोलीहरुले सहभागिता जनाएको आयोजकले जानकारी दियो ।

प्रतियोगिताको विजेताले उपाधिसहित नगद ३५ लाख वोन हात पार्नेछ भने उपविजेताले २० लाख प्राप्त गर्नेछ । त्यस्तै तेस्रो स्थान हासिल गर्ने टोलीले पनि ८ लाख वोनसहित ट्रफी, मेडल र प्रमाणपत्र प्राप्त गर्नेछ ।

नेपाल फुटबल संघ, दक्षिण कोरियाको प्राविधिक सहयोग रहने प्रतियोगिताको आधिकारिक मिडिया पार्टनरमा गोलनेपाल डटकम पनि रहेको छ ।