काठमाडौं । फ्रान्सको शिर्ष महिला फुटबल लिगमा व्यवसायीक फुटबल खेलिरहेकी नेपालकी चर्चित फरवार्ड साबित्रा भण्डारीको टोली गुइनग्याम्पले बलियो पेरिस सेन्ट जर्मेन (पिएसजी) सँग रोमाञ्चक बराबरी खेल्दै अंक बाँडेको छ ।

गुइनग्याम्पको घरेलु मैदानमा भएको खेलमा घरेलु टोलीले पिएसजीसँग ३–३ को बराबरी खेल्दै अंक बाँडेको हो । खेलमा साबित्रा भने ६८औं मिनटमा वैकल्पिक खेलाडीका रुपमा मैदानमा प्रवेश गरेकी थिईन् ।

यो बराबरी नतिजापछि २० खेलबाट १६ अंकका साथ गुइनग्याम्प लिगतालिकाको १०औं स्थानमा कायम छ । उता पिएसजी भने ४९ अंकका साथ दोस्रो स्थानमा छ । गुइनग्याम्पले आफ्नो आगामी खेल २४ अप्रिलका दिन लिगलिडर लियोनसँग खेल्नेछ ।