चितवन । हर्दी युवा समाज र माडी ११ सेन्ट्रल कलेज चितवन जिल्ला लिग फुटबलको सेमिफाइनलमा प्रवेश गरेको छ । आइतबार समूह बी को अन्तिम दुई खेल सम्पन्न भएसँगै हर्दी र माडीले सेमिफाइनलमा स्थान बनाएको हो । लिगको ५ खेलमा ४ जित र एक बराबरी गरेको हर्दी १२ अंकसहित समूह विजेता बनेको छ । उता माडी ११ समान खेलमा ३ जित, एक हार र एक बराबरीसहित १० अंकका साथ उपविजेता बनेको छ ।

शारदानगरमा भएको खेलमा नारायणगढ एफसीलाई ३-१ ले हराउँदै माडी ११ ले उपविजेताको रुपमा सेमिफाइनलमा स्थान सुरक्षित गरेको हो । उसको जितमा रितेश क्षेत्रीले खेलको २३ औं र ६८ औं तथा सन्देश महतोले ३६ औं मिनेटमा गोल गरे । एनएफसीका राजु सेन्चुरीले ५३ औं मिनेटमा एक मात्र गोल गरे ।