तेह्रथुम जिल्लाको छथर गाउँपालिकामा पॉचौ गाउँपालिका अध्यक्ष आमन्त्रित पुरूष फुटबल प्रतियोगिता साउन ३० गते देखि भदौ ४ गते सम्म सन्चालन हुने भएको छ ।

9A Side को छथर खेल मैदानमा सन्चालन हुने प्रतियोगितामा ८ टिमको सहभागिता रहने गाउँपालिका अध्यक्ष सन्तवीर लिम्बु सन्तोष तिगेलाले जानकारी दिनुभयो ।

छथर गाउँपालिकाको आयोजनामा सन्चालन हुने प्रतियोगिताको विजेताले नगद २ लाख सहित ट्रफि मेडल र प्रमाणपत्र तथा उपविजेताले १ लाख सहित ट्रफि मेडल र प्रमाणपत्र प्राप्त गर्नेछन ।प्रत्येक खेलको म्यान अफ द म्याचलाई नगद २ हजार सहित टोकन अफ लभले सम्मान गरिने बताईएको छ । त्यस्तै वेस्ट प्लेयर,वेस्ट डिफेन्डर,वेस्ट गोल रक्षक,मिड फिल्डर,फर्वाडर र हाइ स्कोररलाई नगद ३ हजार सहित प्रमाण पत्रले सम्मान गरिने तिगेलाले बताउँनु भयो प्रतियोगिताका लागि सहभागि टिमहरू- छथर गाउँपालिका तेह्रथुम,पाथिभरा फुटबल क्लब इटहरी,पन्चायन एफ सी सुनसरी,चुलाचुली स्पोटिङ क्लब दमक,छथर जोरपाटी धनकुटा,सुन्दर हरैचा खुर्साने मोरङ,एफ सी कुपी र सशस्त्र प्रहरी बल पकली रहेका छन ।

उद्घाटन खेल साउन ३० गते कर्मचारी vs जनप्रतिनिधि बिच हुनेछ भने प्रतियोगितात्मक खेल साउन ३१ गते देखि सन्चालन हुने आयोजकले जानकारी दिएको छ ।

यसै गरी भाद्र २ गते म्याङलुङ नगरपालिका vs छथर गाउँपालिका बिच मैत्रीपूर्ण महिला खेल समेत रहने खेल संयोजक रूपम अधिकारीले जानकारी दिनुभयो ।