तेह्रथुम जिल्लाको आठराई गाउँपालिका वडा नं ५ छातेढुंगामा बि.स. २०३९ साल देखि लाग्दै आएको दीपावली मेला यो साल कार्तीक २१ गते देखि २७ गते सम्म लाग्ने भएको छ ।

मेलामा खुल्ला पुरुष फुटबल प्रतियोगिता,खुल्ला महिला फुटबल प्रतियोगिता, गाउँपालिका स्तरीय पुरूष भलिबल तथा खुल्ला महिला भलिबल प्रतियोगिता,व्याडमिन्टन र चेस लगायत सॉस्कृतिक कार्यक्रम पनि सन्चालन हुने बताइएको छ ।

खुल्ला पुरूष फुटबल प्रतियोगिताको विजेताले १ लाख ५० हजार सहित ३ वर्षे रनिङ ट्रफि,उपविजेताले एक लाख सहित ट्रफि प्राप्त गर्नेछ । त्यस्तै खुल्ला महिला तर्फको विजेताले ८० हजार सहित तीन वर्षे रनिङ ट्रफि तथा उपविजेताले ५० हजार सहित ट्रफि प्राप्त गर्ने मेला व्यवस्थापन समिति अध्यक्ष विष्णु प्रसाद ओलीले जानकारी दिनुभयो ।

सम्पुर्ण फुटबल खेलको प्रत्यक्ष प्रशारण GoalNepal.com बाट गरिनेछ ।