तेह्रथुम जिल्लाको आठराई गाउँपालिका वडा नं ५ छातेढुंगामा बि.स. २०३९ साल देखि लाग्दै आएको दीपावली मेला यो साल कार्तीक २१ गते (बुधबार) देखि शुरू भएको छ।

आठराई गाउँपालिका अध्यक्ष दिल कुमार पाहिमको प्रमुख आतिथ्यतामा मेलाको औपचारिक उदघाटन भयो । खुल्ला पुरूष फुटबल प्रतियोगिताका खेलहरू बिहीबार बाट शुरू हुने आयोजकले जानकारी दिएको छ ।

खुल्ला पुरूष फुटबल प्रतियोगिताको विजेताले १ लाख ५० हजार सहित ३ वर्षे रनिङ ट्रफि,उपविजेताले एक लाख सहित ट्रफि प्राप्त गर्नेछ । मेलामा खुल्ला पुरुष फुटबल प्रतियोगिता,खुल्ला महिला फुटबल प्रतियोगिता, गाउँपालिका स्तरीय पुरूष भलिबल तथा खुल्ला महिला भलिबल प्रतियोगिता,व्याडमिन्टन र चेस लगायत सॉस्कृतिक कार्यक्रम पनि सन्चालन हुने छन ।

त्यस्तै खुल्ला महिला तर्फको विजेताले ८० हजार सहित तीन वर्षे रनिङ ट्रफि तथा उपविजेताले ५० हजार सहित ट्रफि प्राप्त गर्ने मेला व्यवस्थापन समिति अध्यक्ष विष्णु प्रसाद ओलीले जानकारी दिनुभयो ।