चितवन । राष्ट्रिय महिला फुटबल टोलीकी महत्वपूर्ण सदस्य तथा अनुभवी डिफेन्डर पुजा राना चितवनमा पनि सम्मानित भएकी छिन् ।

पुजालाई युनिक क्लब, भरतपुर–१० कैलाशटोलले नगदसहित सम्मान गरेको हो । उनलाई एक कार्यक्रमका बीच युनिक क्लबले सम्मानपत्र, नगद दश हजार र खादा ओढाई सम्मान गरेको हो ।

क्लबले नेपाली फुटबलमा पुजाले पुर्याएको योगदानको चर्चा गर्दै उनलाई सम्मान गरिएको बताएको छ । स्मरण रहोस, नेपाललाई हालै घरेलु मैदान मै सम्पन्न साफ महिला च्याम्पियनसिपको फाइनलसम्म पुर्याउन पुजाले पनि महत्वपूर्ण योगदान दिएकी थिईन् ।

सम्मान ग्रहण गरेपछि पुजाले पनि खुशी व्यक्त गरिन् । उनले यो सम्मान प्राप्त गरेर देशका लागि अझै केही गर्ने हौसला मिलेको बताईन् । साथै उनले युनि क्लब परिवारलाई धन्यवाद र आभार समेत प्रकट गरिन् ।