काठमाडौं । पिक प्वाइन्ट अलुम्नीको आयोजनामा आउँदो मंसिर २९ र ३० गतेका दिन दोस्रो इन्टर स्कुल फुटसल च्याम्पियनसिप हुने भएको छ ।

बुढानिलकण्ठ–१३, गम्छा स्थित भद्रकाली फुटसल एण्ड रिक्रियशन सेन्टरमा हुने प्रतियोगिताको मंसिर २५ गतेसम्म टिमदर्ता पनि खुला गरिएको छ । साथै टिमदर्ता शुल्क ३५०० तोकिएको छ ।

प्रतियोगिताको विजेताले उपाधिसहित नगद ३० हजार हात पार्नेछ भने उपविजेताले २० हजारसहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकका राजेश श्रेष्ठले जानकारी दिए ।