काठमाडौं । एन्फा युथ लिगतर्फ लिगको दावेदार नेपाल पुलिस क्लबले मच्छिन्द्र फुटबल क्लबसँग बराबरी खेल्दा संकटा क्लबले संकटाले सातदोबाटो युथ क्लबमाथि फराकिलो जित हात पारेको छ ।

एन्फा कम्प्लेक्समा भएको खेलमा पुलिस र मच्छिन्द्रले ३–३ गोलको रोमाञ्चक बराबरी खेल्दै अंक बाँडे । यो नतिजापछि ८ खेलबाट २० अंक जोडेको पुलिस शिर्ष स्थानमा यथावत छ । मच्छिन्द्र भने १५ अंकका साथ चौथो स्थानमा छ ।

बिहीबार नै भएको अर्को खेलमा संकटाले सातदोबाटोमाथि ६–० को एकतर्फी जित निकाल्यो । यो जितपछि ८ खेलबाट १२ अंक जोडेको संकटाले लिगतालिकामा आफ्नो स्थान सुधार गरेको छ । पराजित सातदोबाटो भने ४ अंकका साथ पुछारतिरै संघर्षरत छ ।

डबल राउण्ड रोबिन लिगका आधारमा हुने प्रतियोगितामा कुल १२ टोलीहरु सहभागि छन् । लिगको शिर्ष स्थान हासिल गर्ने टोली विजेता बन्नेछ । विजेताले उपाधिसहित नगद १ लाख हात पार्नेछ भने दोस्रो स्थान हासिल गर्ने टोलीले ५० हजार प्राप्त गर्नेछ ।