ललितपुर । लक्की स्टार क्लबको आयोजना तथा आदर्श सौल माध्यमिक विद्यालयको सह–आयोजनामा आउँदो भदौ १० गतेदेखि रातो मच्छिन्द्रनाथ कप ललितपुर जिल्ला व्यापी अन्तर विद्यालय सेभेन ए साईड फुटसल प्रतियोगिता हुने भएको छ ।

ललितपुर जिल्ला भित्रका विद्यालयस्तरीय टोलीहरुले मात्र सहभागिता जनाउने प्रतियोगितामा इच्छुक टोलीहरुका लागि भदौ ६ गतेसम्म टिमदर्ता खुला गरिएको छ । साथै टिमदर्ता शुल्क ५५०० र कार्ड डिपोजिट व ापत ५०० शुल्क तोकिएको छ ।

ललितपुर महानगरपालिका वार्ड नम्बर २२ को कार्यालय, बुङमतीको विशेष सहयोग रहने प्रतियोगिताको विजेता, उपविजेता टोली तथा व्यक्तिगत विधातर्फ उत्कृष्ट हुने खेलाडीहरुलाई उचित पुरस्कारको व्यवस्था गरिएको आयोजकले जनाएको छ ।