भद्रपुर । ओम साइ पाथीभरा हस्पिटल चन्द्रगढी महिला गोल्डकप फुटबल प्रतियोगिताको आज भएको उद्घाटन खेलमा त्रिभुवन आर्मि फुटबल क्लब सेमिफाइनलमा प्रवेश गरेको छ ।

शनिबार भएको उद्घाटन खेलमा आर्मिले आर एस पोखरा एफसी ६–० को फराकिलो अन्तरले हराउदै अन्तिम चारमा स्थान सुरक्षित गरेको हो । आर्मिको लागि बिमला चौधरी र चन्द्रा भण्डारीले समान २–२ गोल गरे भने दिपा साहि र जेनिफोर रानामगरले थप एक–एक गोल गरे । खेलमा आर्मीकी बिमला चौधरी प्लेयर अफ दि म्याच बनिन् ।

प्रतियोगिता अन्तर्गत बैशाख ६ गते आइतबारको खेल थिम्पु सिटी फुटबल क्लब, भुटान र चर्च ब्वाईज युनाइटेड, ललितपुरबीच हुनेछ ।

चन्द्रगढी युथ क्लब, झापाको आयोजनामा शुरु प्रतियोगिताको विजेताले उपाधिसहित नगद ११ लाख हात पार्नेछ भने उपविजेताले ५ लाख प्राप्त गर्नेछ । फाइनल खेल यही बैशाख १४ गतेका दिन हुनेछ ।