भरतपुर । भरतपुर १८ गोल्डकप फुटबलमा हानामी भरतपुर फुटबल क्लब बिएफसीले विजयी सुरुवात गरेको छ ।

भरतपुर १८ वडा कार्यालय मैदानमा आजबाट सुरु भएको प्रतियोगितामा बिएफसीले गण्डकी प्रदेश प्रहरीलाई ४-१ ले हरायो । बिएफसीको जितमा विवेक मगरले २ तथा सुशान्त गुरुङ र अमृत आचार्यले एक-एक गोल गरे ।

गण्डकी प्रहरीका लागि सचिन गुरुङले एक मात्र गोल गरे । दुई गोल गरेका बिएफसीका विवेक मगर प्लेयर अफ दि म्याच बने । उनले ५ हजार रूपैयाँ प्राप्त गरे ।

प्रतियोगितामा भोलि बिहीबार बुद्धज्योति युवा क्लब माडी ४ र अभिषेक चर्च रजहर भिड्नेछन् । खेल दिउँसो ३ बजे हुनेछ ।