भरतपुर । अभिषेक चर्च रजहर भरतपुर १८ गोल्डकप फुटबलको क्वाटरफाइनलमा प्रवेश गरेको छ ।

भरतपुर १८ वडा कार्यालय मैदानमा भएको प्रतिस्पर्धात्मक खेलमा बुद्धज्योति युथ क्लब माडीलाई सडन डेथमा हराउँदै अभिषेक चर्चले क्वाटरफाइनलको यात्रा तय गरेको हो । निर्धारित समय बराबरीमा सकिएपछि खेल टाईब्रेकरमा धकेलिएको थियो ।

टाईब्रेकरमा ५-५ को बराबरीपछि सडन डेथमा अभिषेक चर्चले बाजी मार्यो । अभिषेक चर्चका रोशन पहारी प्लेयर अफ दि म्याच बने ।

प्रतियोगितामा भोलि पहिलो क्वाटरफाइनल खेल हुनेछ । पहिलो क्वाटरफाइनलमा फर्साटिकर एफसी रुपन्देही र गैडाकोट फुटबल क्लब गैडाकोट भिड्नेछन् । खेल दिउँसो ३ बजे हुनेछ ।