फालेलुङ । त्रिशक्ति जनउद्धार क्लब, फालेलु–८, सुर्केनागी, पाँचथरको आयोजनामा वार्षिक रुपमा हुँदै आएको ऐतिहासिक भदौरे मेला–२०८१ सँगै पुरुष तथा महिला फुटबल प्रतियोगिता यही साउन ३० गतेदेखि भदौ ६ गतेसम्म हुने भएको छ ।

प्रतियोगितामा सहभागिता जनाउन चाहने इच्छुक क्लबहरुका लागि यही साउन २८ गतेसम्म टिमदर्ता खुला गरिएको छ । साथै प्रतियोगिताको टिमदर्ता शुल्क पुरुषतर्फ ५५०० र धरौटीवापत १००० तोकिएको छ भने महिलातर्फ २००० र धरौटी वापत ५०० तोकिएको छ ।

पुरुषतर्फ प्रतियोगिताको विजेताले उपाधिसहित नगद १,०१,१११ रुपैयाँ हात पार्नेछ भने उपविजेता ५१,१११ रुपैयाँसहित ट्रफी, मेडल र प्रमाणपत्र प्राप्त गर्नेछ । त्यस्तै महिलातर्फ विजेताले उपाधिसहित नगद २०००० हात पार्नेछ भने उपविजेताले १०००० सहित ट्रफी, मेडल र प्रमाणपत्र प्राप्त गर्नेछ । व्यक्तिगत विधातर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जानकारी दियो ।

सोही अवसरमा विभिन्न साँस्कृतिक, परम्परागत खेल तथा मनोरञ्जनात्मक कार्यक्रमहरुको पनि आयोजना गरिने आयोजक क्लबका अध्यक्ष लोकेन जवेगुले जानकारी दिए ।