दमक । रनधोज नेम्बाङ स्मृति प्रतिष्ठान, दमक–३, झापाको आयोजनामा रनधोज नेम्बाङको १०७औं जन्मजयन्तीको अवसर पारी पौष १३ देखि १९ गतेसम्म रनधोज नेम्बाङ स्मृति वडास्तरीय भेट्रान फुटबल प्रतियोगिता हुने भएको छ ।

प्रतियोगिताको आवश्यक तयारी पनि अन्तिम चरणमा रहेको आयोजकले जानकारी दियो । प्रतियोगिताको विजेताले उपाधिसहित नगद ५० हजार हात पार्नेछ भने उपविजेताले ३० हजारसहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फ पनि उचित पुरस्कारको व्यवस्था गरिएको आयोजकले जानकारी दियो ।

साथै प्रतियोगिताको आधिकारिक मिडिया पार्टनर रहेको गोलनेपालले सबै खेलहरु प्रत्यक्ष प्रसारण समेत गर्नेछ ।