काठमाडौं । फिफा विन्डो अन्तर्गत अन्तर्राष्ट्रिय मैत्रीपूर्ण फुटबल म्याचका लागि भुटान भ्रमणमा रहेको बंगलादेशको राष्ट्रिय फुटबल टोलीले बिहीबार भएको घरेलु टोली विरुद्धको पहिलो अन्तर्राष्ट्रिय मैत्रीपूर्ण खेलमा साँघुरो जित निकालेको छ ।

थिम्पु स्थित चाङलिमिथाङ नेशनल स्टेडियममा भएको खेलमा बंगलादेशले घरेलु टोली भुटानमाथि शून्यका विरुद्ध १ गोलको झिनो अन्तरको जित निकाल्यो । बंगलादेशका लागि खेलको छैठौं मिनटमा युवा फरवार्ड शेख मोर्सालिनले एक मात्र निर्णायक गोल गरे ।

दुई अन्तर्राष्ट्रिय मैत्रीपूर्ण फुटबल म्याचका लागि भुटान भ्रमणमा रहेको बंगलादेशले घरेलु टोलीसँग दोस्रो अन्तर्राष्ट्रिय मैत्रीपूर्ण म्याच आउँदो सेप्टेम्बर ८ तारीख, आइतबारका दिन चाङलिमिथाङ स्टेडियम मै खेल्नेछ ।