कनकाई । पारिजात फुटबल क्लब, कनकाई ६, झापाको आयोजनामा दोस्रो पारिजात कप खुला नकआउट फुटबल प्रतियोगिता हुने भएको छ । प्रतियोगिता मिति भने आयोजकले केही पछि घोषणा गर्ने समेत जनाएको छ ।

यद्यपि प्रतियोगिताको टिमदर्ता भने खुला गरिएको छ । सहभागिता जनाउन चाहने इच्छुक क्लबहरुले दर्ता शुल्क वापत ५००० बुझाउनु पर्ने पनि आयोजकले जानकारी दियो ।

प्रतियोगिताको विजेताले उपाधिसहित नगद ७० हजार हात पार्नेछ भने उपविजेताले ४० हजारसहित ट्रफी, मेडल प्राप्त गर्नेछ । त्यस्तै विधागततर्फ पनि उचित पुरस्कारको व्यवस्था गरिएको आयोजकले जानकारी दियो ।