बेसीशहर । नगर खेलकुद विकास समिति, बेसीशहर, लमजुङको आयोजनामा छैटौं नगर कप वार्डस्तरीय फुटबल प्रतियोगिता हुने भएको छ ।

बेसीशहर–७, सहजी स्थित सहजी खेलमैदानमा हुने प्रतियोगिताको आवश्यक तयारी पनि अन्तिम चरणमा रहेको आयोजकले जानकारी दियो ।

प्रतियोगिताको विजेताले उपाधिसहित नगद १ लाख हात पार्नेछ भने उपविजेताले ५० हजारसहित ट्रफी, मेडल र प्रमाणपत्र प्राप्त गर्नेछ ।

बेसीशहर नगरपालिका, लमजुङको मुख्य प्रायोजक रहने प्रतियोगिताको विधागततर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जनाएको छ ।