मरिण । यहाँ जारी छैठौं मरिण गाउँपालिका अध्यक्ष कप वार्डस्तरीय नकआउट फुटबल प्रतियोगिता अन्तर्गत महिलातर्फको फाइनल र पुरुषतर्फको सेमिफाइनल समिकरण पूरा भएको छ ।

महिला फुटबल (दोस्रो सेमिफाइनल)

आज सम्पन्न महिला फुटबलको दोस्रो सेमिफाइनल खेलमा मरिण RM–३ र मरिण RM–५ आमनेसामने भएका थिए। निर्धारित समयसम्म दुवै टिमबाट गोल हुन नसकेपछि खेल पेनाल्टी सुटआउटमा प्रवेश गरेको थियो।

पेनाल्टी सुटआउटमा मरिण RM–३ ले मरिण RM–५ लाई ३–१ गोल अन्तरले पराजित गर्दै फाइनलमा स्थान सुरक्षित गर्न सफल भयो।

पुरुष फुटबल (चौथो क्वार्टरफाइनल)

पुरुषतर्फको चौथो क्वार्टरफाइनल खेलमा मरिण RM–७ ‘A’ र मरिण RM–६ ‘A’ बीच कडा प्रतिस्पर्धा देखिएको थियो।खेलको अन्त्यमा मरिण RM–७ ‘A’ ले मरिण RM–६ ‘A’ लाई ६–० को फराकिलो अन्तरले पराजित गर्दै सेमिफाइनलमा प्रवेश गर्न सफल भयो।