धरमपुर । रिभरसाईड युवा क्लब, कञ्चनरुप–१२, धरमपुर, सप्तरीको आयोजनामा सम्पन्न एक्स्ट्रीम दोस्रो गोर्खा खुकुरी कप खुला नकआउट फुटबल प्रतियोगिताको उपाधी सोमबारे फुटबल क्लब, उदयपुरले जितेको छ ।

फाइनलमा सोमबारेले बिराटनगर स्पोर्ट्स एकेडेमी, मोरङलाई ४-१ ले हराउँदै उपाधिमाथी कब्जा जमाएको हो । सोमबारेको जितमा सन्दिप श्रेष्ठले दुई गोल गर्दा अमर श्रेष्ठ र सरन चौधरीले समानले एक/एक गोल गरे । उतापराजित बिराटनगरका लागि भने सौर्य राउतले एक मात्र गोल फर्काएका थिए ।