भरतपुर । प्रथम एमएफटी भेट्रान फुटसल प्रतियोगिताको उपाधी आयोजक मर्निङ भेट्रान टिम (एमएफटी) ले जितेको छ ।

फाइनलमा फाइनलमा नौलो भेट्रानलाई टाईब्रेकरमा हराउँदै आयोजक एमएफटी च्याम्पियन बनेको हो । त्यसअघि निर्धारित समयको खेल दुवै टोलीले १-१ गोलको बराबरी खेलेका थिए ।

विजेता बनेको एमएफटीले उपाधी सहित नगद ४० हजार हात पार्यो भने उपविजेता नौलो भेट्रानले २० हजारसहित ट्रफी, मेडल र प्रमाणपत्रमा चित्त बुझायो ।

मर्निङ भेट्रान टिमको आयोजनामा भएको प्रतियोगितामा कुल १६ टोलीहरुले सहभागिता जनाएका थिए ।