News सातौं आङ्गबुरा कपको खेलतालिका सार्वजनिक
गोलनेपाल

धर्मदेवी । न्यु युवा क्लब, धर्मदेवी–७, संखुवासभाको आयोजनामा यही पुष २६ गतेदेखि शुरु हुन गईरहेको सातौं आङ्गबुरा कप खुला नकआउट फुटबल प्रतियोगिताको खेलतालिका सार्वजनिक गरिएको छ ।

धर्मदेवी नगरपालिका–७, संखुवासभा स्थित आयोजक क्लब कै खेलमैदानमा हुने प्रतियोगिताको उद्घाटन खेलमा पुष २६ गतेका दिन धर्मबस्ती युथ क्लब, होम्बोङ्ग र याक्खा चोक युवा क्लब, माम्लिङ्गबीच हुनेछ । कुल १२ टोलीहरु सहभागि प्रतियोगिताको फाइनल खेल भने माघ १ गतेका दिन हुनेछ ।

प्रतियोगिताको विजेताले उपाधिसहित नगद १ लाख १ हजार १०५ रुपैयाँ हात पार्नेछ भने उपविजेताले ५१ हजार १०५ रुपैयाँसहित ट्रफी, मेडल र प्रमाणपत्र प्राप्त गर्ने आयोजकले जानकारी दियो ।

Post Comments