भरतपुर । फर्साटिकर युथ क्लब रुपन्देही भरतपुर १८ गोल्डकप फुटबलको सेमिफाइनलमा प्रवेश गरेको छ ।

भरतपुर १८ वडा कार्यालय मैदानमा भएको पहिलो क्वाटरफाइनल खेलमा गैडाकोट एफसी गैडाकोटलाई हराउँदै फर्साटिकरले सेमिफाइनलमा स्थान बनाएको हो । फर्साटिकरको जितमा आशिष रानाले दुई तथा टिकाराज गुरुङले एक गोल गरे ।

गैडाकोटका लागि सन्दिप मल्लले एक मात्र गोल गरे । एक गोल र एक असिस्ट गरेका फर्साटिकरका टिकाराज प्लेयर अफ दि म्याच बने । उनले ५ हजार रूपैयाँ प्राप्त गरे ।